.png){kind=logo}
80後棄9萬月薪砌錶 父母狂鬧嘥心血
訂造手機殼、上衣的本地品牌Casetify、Snaptee，生意遍布全球。去年尾廿八歲的黎鈞國(Quinn)照辦煮碗，與三個拍檔合伙，將設計平台放在日本機械錶上，創立Eoniq，半年間facebook與Instagram專頁中已經有過十五萬like，月賺十萬。生意有成績，父母理應感安慰，但在他家人眼中卻是，「你唔為自己諗，都為下一代諗！做生意好大風險。」在家激起千重矛盾，全因Quinn打工時領月薪九萬。
Quinn會考後到海外升學，於史丹福大學機電工程碩士畢業後，先後於「顧問界的高盛」McKinsey中任職顧問、跨國個人電腦生產商HP中任產品經理，月薪九萬，亦有大好前途，「我當時個直屬上司高我五級，中間有好多位俾我升，而且七年間做得好，一般可以跳出去做VP(副總裁)。」薪高糧準，前途一片光明，父母難免極力反對他辭職，對他說：「咁辛苦栽培你，無咩錢都花幾百萬，送你去美國讀書，有學歷、有好工，你走去創業，咁係浪費晒我地嘅心血！」但他堅持將他的興趣化成事業。往日花錢買錶拆，今日砌錶賣。客人在網上頁面選擇錶殼的顏色、錶面款式、錶面圖案、指針粗幼等項目。他每天重覆將錶肉放入錶殼，再放入刻上客人設計的錶面，裝上時分秒針，最後蓋上玻璃罩。
作為初創企業，Quinn還有一堆問題要解決，生意上的困難未解決，幸好家中的矛盾已化解，「我送咗隻自己設計嘅錶俾爸爸，佢收到好感動。錢係賺得比以前少，不過佢依家都支持我，間中會同我傾下生意有咩地方改善。」
撰文：孫樂祈
攝影：鄭樹清 廖健昌