情侶檔「quit U」 賣喼仲搵到食

近日文憑試開考，考生戰意高昂，有的更認為：「唔可以入唔到大學！」、「入到大學先搵到好工，搵到好工先有好前途！」 九十後關志豐（Ken）及何詠鳯（Winnie），對這些觀點卻一點也不認同。兩人在中一已就讀同一中學，到中五開始邊拍拖邊網上賣手袋，其後開設行李部，轉賣行李喼。升大學，更特意一同選讀城市大學公關系，讀到最後一年，見賣喼生意愈做愈有，竟雙雙「quit u」，專心做生意。 他們都揚言：「我哋嗰科無乜前途，快啲出嚟做生意仲好！」

Ken自命不是讀書材料，又碰上末代會考，早已打算投身社會。偏偏他又夠分升讀中六：「中五時已開始做生意，一開始喺大陸廠房入貨，再拎啲手袋去Yahoo!拍賣，放學時交收。之後發現愈嚟愈多人咁做，咁我就轉做賣喼。」

在網上賣了三年多行李箱，二人儲了四萬多元，決定到旺角好景開實體店。Winnie回想起風險其實頗高：「我哋都無問屋企人攞錢。大部分嘅錢都用來入貨，如果一個月都賣唔出都幾危險。」

生意愈做愈有，二人開始考慮未來路向：「嗰陣讀緊year 3，生意上咗軌道，愈嚟愈忙，開始兼顧唔到讀書，我哋就諗如果就咁唔做，但係畢咗業就未必有呢團火，屋企人起初都反對，但最後都決定唔讀。」

現時店鋪月賺七萬，有不少空姐熟客來幫襯，口碑一個傳一個。談到退學，二人異口同聲指未曾後悔：「將來賺到錢一定會繼續讀，到時用自己錢去外國讀書！」

撰文：梁延宇

攝錄：廖健昌