走入東歐國度! 中環食正宗烏克蘭羅宋湯+魚子醬

呢間位於中環樓上鋪，店內外擺放各式各樣充滿東歐風情裝飾、經典紅色枱布、牆上掛著一大幅基輔風景畫，真係幾可亂真以為去了當地。除了環境，呢到每一道菜式都由烏克蘭、俄羅斯廚師主理，包保食到當地真味道。

係呢到一定要試正宗烏克蘭羅宋湯，很多人以為羅宋湯是源自俄羅斯，其實真正的發源地係烏克蘭。正宗羅宋湯由新鮮紅菜頭餚製而成，顏色紫紫紅紅、有薯仔、椰菜、洋蔥等。味道清甜而且一定會有乳酪係湯面，因乳酪令湯更加滑溜和帶點微酸。有別港式羅宗湯的蕃茄酸和辣味。

另外不得不提伏特加酒和魚子醬，這配搭簡直完美。店內藏有多款稀有伏特加酒、東歐直接進口的葡萄酒、啤酒，令食客可體驗一下東歐真飲食生活!

▲充滿東歐風情的裝飾、經典紅色枱布，掛畫。▲正宗烏克蘭羅宋湯（$68）

以新鮮鮮紅菜頭、薯仔、椰菜、洋蔥、紅蘿蔔等製而成。顏色紫紫紅紅，味道清甜，乳酪可以令湯更加滑溜和帶點微酸。

▲三文魚子醬（$148）

班戟配上4種食材: 魚子醬、原味乳酪、蔥粒、蛋碎。在班戟上面先放上乳酪、蔥粒、蛋碎，最後才是魚子醬，之後卷起食用。

▲班戟又軟又薄，魚子醬味道帶咸，咬破它中間的汁令其層次更豐富。而乳酪、蔥粒、蛋碎即可中和其咸味和增加口感。
▲紅菜頭魚柳沙律（$78）

上層係紅菜頭，中層係魚柳，下層係洋蔥、薯仔和紅蘿蔔。味道清新而且夠冰凍，有濃郁魚味和有咬口。

▲招牌芝士焗牛脷盅（$98）

用上酥皮做蓋，打開後有香濃的芝士香。牛脷是先煮熟再以蘑菇醬及香料炒香加上芝士一起焗。牛脷嫩滑又淋，配脆卜卜的酥皮和芝士汁同吃可減油膩感仲非常惹味。
▲傳統蘑菇薯仔餃子（$88）

內有碎蘑菇和薯仔，味道比較清淡，外皮有點厚實，有點似北方餃子。

▲馳名基輔炸雞扒（$188）

雞胸肉內捲入牛油，香草，沾上麵包糠炸到外層酥脆，但雞肉還保持嫩滑，而且切開中間會有陣牛油香。

▲烏兹別克傳統牛羊抓飯（$198）

烏兹別克傳統重大節日食物，在飯中加入紅蘿蔔、洋蔥、葡萄乾、牛肉、羊肉混合。飯粒乾身和吸收了所有食物味道。