行山路線：花瓶頂賞汲水門大橋

      當日天氣相當好，藍天白雲，坐東涌/機埸巴士出發到達青馬大橋收費站落車。不用馬路，反方向轉身向後行，好快就看見有絲帶記號入口，先走一段石級，穿過小小引水道，再上石級，上到其中一段石級之後，會見到前人用紅油畫上記號指引，跟住指引，再走一段山徑之後就見倒好大個「邱」字，再沿呢個記號進入另一段山徑，再穿過一道已打開的鐡閘，好快就到達大轉，這裡有個開掦位置，可以俯瞰青馬大橋收費站辨公大樓和汲水門大橋，辦公大樓好似兩個巨型file，相當有趣。而汲水門大橋就好宏偉，打完卡後順石級可以落到大橋底部，可從叧一個角度欣賞大橋。

▲上山時除了留意絲帶記號之外，仲有好多用油漆落嘅記號其中一個「邱」字就係一個最大嘅記號，沿住呢度直入就係！

      拍完照後繼續沿山徑上返山，好快就到達二轉，呢段山徑全部都係石屎路非常易行，過咗涼亭之後就到達草灣碼頭和小燈塔，再走一段路到達三轉，突然有隻大狗衝埋嚟狂吠，小編立刻手持行山杖防止佢咬人，點知有2位伯伯趕上同我哋講，唔洗驚佢唔㑹咬人，好乖架，仲會伴你哋走一段山路添。之後小編常試摸牠，至發現佢好乖好可愛。

▲到達大轉用這個角度睇汲水門大橋非常之宏偉。

▲過咗涼亭之後，就會見到打卡熱點小燈塔。

▲草灣沙灘小碼頭方便居民上落船隻。

      在沙灘小碼頭拍照後，繼續沿山徑上尋找花瓶石，好快就揾倒，呢嚿石好巨型，大約有三十尺高，外型唔似花瓶，反而好似一隻猿猴呢。繼續上路，到達山頂－花瓶頂。呢度可以遠眺東灣一帶，又可以看倒迪士尼樂園，拍完照沿樓梯落山返回青馬大橋收費站巴士站。

▲打完卡後沿山徑直上尋找花瓶石。

▲小編覺得花瓶石外型似猿猴多些。

花瓶頂

交通: 可以乘坐任何一條往東涌巴士線，在青馬大橋收費站落車就到達起步點。

路線: 青馬大橋收費站>大轉>汲水門大橋>二轉>三轉>草灣碼頭>花瓶石>花瓶頂>青馬大橋收費站