行山路線：妙高台看夕陽

天氣轉冷，又係登高好時機，趁住芒草盛放，梗係揾嗰觀賞靚景點介紹比大家。首先由川龍起步，沿響石脊直上，好快就到達妙高台，芒草搖曳，風景優美，呢度仲有一座山火瞭望台，係打卡熱點，旁邊仲有一嚿嚿巨石可以企上去影返幾張selfie添。

見時間尚早，太陽又未落山，就沿山徑橫移，好快就到達禾秧石林，呢度咗有勁多芒草之外，四周仲有好多怪石，仲可以喺巨石之間穿插。不過石頭表面比較粗糙，穿過時必須要配手套，避免擦傷。打完卡後太陽差不多準備落山，小編都趕快步伐 返回妙高台。夕陽真係超靚，十分浪漫呢！

▲妙高台日落無敵靚景。

▲芒草同夕陽美不勝收。

▲Magic-hour真係可遇不可求！

▲天氣配合仲可以見到雲海。

▲美麗芒草係冬季限定。

▲觀賞夕陽要留意日落時間還要計劃落山時間。

妙高台

路線: 川龍>響石脊>妙高台>禾秧山>妙高台>大帽山小食亭（全程大約10公里）

注意事項:

1）風高物燥切勿在山上吸煙，容易引起火災，後果嚴重。

2）愛護郊野清潔人人有責，自己垃圾自己帶走。

3）拍攝黃昏夕陽美景，建議帶備電筒摸黑落山比較危險。