真係香港黎？！行山登陸綠蛋島！

此山徑有許多樹藤雜草, 每行一步都特別艱辛。

一直沿山腰行，風景開揚水質清澈， 行咗大約1.5小時，便可到達綠蛋島，外形真係好似一隻煎熟嘅雞蛋，好可愛。拍完卡後繼續上路，好快就到達刀片脊。由於山脊好狹窄， 形狀好似一張刀片，所以被人稱為刀片脊。走到脊上，原來最窄部份都有四呎闊，而兩邊都係懸崖， 睇落去都幾驚險！

遠眺綠蛋島。

 繼續沿山徑走，好快就到達一個峽谷，名為大雞坑，無水就不太跣腳，大雞坑由好多巨石形成，可以攀爬上到大嶺峒，横渡接上山徑繼續上路。再走大約一公里，便走到終點－大坳門，近出口附近有大量大斑豹紋尺蛾飛來飛去。大坳門呢度有多個燒烤爐，又有放紙鳶場，每逢假期都係一家大細好去處。休息一陣之後再沿清水灣道返回起步處搭小巴完結旅程。需時約5小時。

刀片脊兩邊是懸崖,行走相當驚險。

綠蛋島刀片脊

路線: 清水灣道>龍蝦灣路>清水灣騎術學校>平托坑山>綠蛋島>刀片脊>大嶺峒>大雞坑>饑死雞>大坳門 全程約6.5公里

注意:

⚠大部份路線需要穿越山林，比較崎嶇，建議由經驗人仕帶領

⚠如登陸綠蛋島，留意潮汐時間

⚠路徑明顯，有絲帶引領，樹藤雜草茂密，建議穿長袖衫，長褲

⚠愛護山野清潔人人有責，自己垃圾自己帶走

交通: 官塘乘坐103小巴去達勝記士多小食店落車起步

撰文及圖片: 小牛牛＠《香港人．遊香港》