甚麼是好員工？甚麼是好老闆？(一)

圖片來源：互聯網

作為上司或老闆嘅你，會唔會好難揾到好嘅下屬同員工？你對「好」的定義是甚麼？

工作能力？創造力？合群性？聽話？積極進取？唔計較？樂觀？堅持？表達能力？勤力？耐性？

先將呢個話題放埋一邊。另一個問題，你算唔算係一個好上司或好老闆？你嘅員工認同你係好老闆好上司嗎？你對好上司或老闆嘅定義係點?

領導力？以身作則？承擔力？影響力？決策力？遠見？洞察力？市場觸覺？組織能力？

你了解自己是否一個好嘅leader嗎？

你在他們心目中是否值得跟隨？

當你嘅員工或下屬離開你公司時，你希望他們對你的評價是甚麼？

風光的表面

以前我回到公司，我的員工總是好恭敬、客氣、勤勞，絕不敢偷懶，也不敢工作怠慢，總是積極向上認真用心。每當我一回到公司，員工都會立刻幫我倒咖啡倒茶，服務相當良好，恭敬有禮。開會時有我講，大家靜靜的點頭認同，好像很認同我的見解。這些都讓我自我感覺非常良好。誇張一點的說法就是，我有啲陶醉在被重視的感覺。讀者，當你睇到呢度，可能都會從心笑出來：「點會呀？太誇張了！」這些都是十年前的境況。當然，風光背後，是另有實情的。

風光的背後

最可怕的，是自以為一切都很美好，誤信員工真的鍾意自己。事實呢？由於我嘅行業係服務性行業，面對好多顧客。其實客人會看穿我地係咪真心服務佢地。若是員工只係為左應付老闆同上司，便可以在公司立足，咁呢間公司可以進步嘅空間，實在好有限。

這種陽奉陰違嘅氣氛，相信有不少公司都存在着。點解特別去分享呢個case，原因係想指出，當員工隱藏真正想法，帶來嘅係表裡不一，有事怕得罪你唔敢提出任何冒險嘅話題。其實好多員工都知道公司嘅問題，但奈何很多員工都怕麻煩同得罪人，所以並唔會出聲。寧可自保，都唔願意冒險。而這些隱藏內心嘅建議，絕對有可能讓公司有好大進步。

事實上，有多少老闆能接受現實，接受難聽但有用的說話，忠言大多是逆耳的。如果你能真正聽到員工心聲，用心思考和接納，已經有好老闆嘅基本條件。你嘅員工每天接觸客人的機會比你多，他們比你更明白顧客需求。

下期會更深入探討，甚麼是叫「領導帶領領導」的相處之道。