型格工廈自家制手工粉+勁靚花花杯中物

呢間餐廳開係觀塘工廈入面，獨佔全層空間感十足。變身後裝修型格有氣派之外，餐廳更用上出晒名蛋味香濃的意大利蛋自家制手工粉。鮮製意大利粉充滿蛋香，口感煙韌，是機器無法做到的。意大利粉配上傳統肉醬，味道超夾。另外有杯內外都充滿花香味，連粒冰都有花的特飲，係真係女士最愛。

低溫慢煮三文魚、香芒藜麥沙律（$158）。三文魚肉質非常嫩滑，似刺身質感。藜麥混合芒果肉和醋，酸酸甜甜好開胃。

燒西班牙黑毛豬肋骨配美色煙燻醬（$138／半份）。豬肋骨肉味夠，不會太乾。煙燻醬味濃夠惹味。

乾蕃茄香辣上湯龍躉魚柳意大利飯（$198）。龍躉肉質爽彈，因用了卡拉布里亞辣腸，飯粒帶微辣夠惹味，再加入了勝瓜和玉子豆腐令口感層次豐富。

澳洲和牛肉醬手工貝殼粉（$128）。用意大利蛋自家制貝殻粉，煙煙硬硬有口感。配上63度溫泉蛋，變得滑溜和肉醬非常夾。

Ice cube（$78）。有陣陣接木花和桂花香甜味，加上獨特的花朵和花冰粒，視覺效果一流 ; 自家制冷泡烏龍茶蜜糖牛油果奶蓋（$40），奶蓋是用茅屋芝士打成，相對低脂健康。

登堂

地址: 觀塘興業街4號The Wave2樓

電話: 21104103